Друштвен живот
Староста не мора да биде тешка и осамена. Затоа во домот за стари лица “Арија” обрнуваме големо внимание на социјалниот живот на нашите корисници.
Нашиот социјален работник има посебна улога и значајна функција во работата на домот. Го остварува првиот контакт со корисниците, нивната потесна фамилија и лицата во нивна придружба, и им ги обезбедува сите неопходни информации околу приемот и сместувањето.
Преку индивидуално советување и групни активности кои ги организира социјалниот работник на корисниците им пружа стручна помош во процесот на прилагодување на новите животни услови, совладување на лични потешкотии и зачувување на функционалните способности.
Учествувајќи во различните работно-окупациони и културно-забавни содржини корисниците имаат можност за меѓусебно поврзување и дружење со што значајно се намалува проблемот на осаменост кој ги прати во староста.
За таа цел во нашиот дом се организираат бројни содржини:
- Одбележување на сите значајни датуми и државни празници
- Прослава на родендени
- Прослава на куќни слави
- Организирање на приредби
- Друштвени игри
- Едукативни активности
- Дневни излети
- Посета на културно-уметнички манифестации
Притоа секоја активност која ја организира социјалниот работник со корисниците е во склад со нивните интереси и желби, затоа што како таква влијае на подобрувањето на нивното ментално здравје.